Skóli og einelti skrílríkisins

  

           

Reglulega sprettur upp umræða um einelti þar sem skólayfirvöld og kennarar virðast jafnvel eiga hlut að máli, eða bregðast ekki við.

            Eineltis vandamál liggur í því að skólinn skapar skríl. Það liggur í eðli og tilgangi skólans að móta þegna og vinnudýr, viljalausan samræmdan fjölda. Þar má enginn skera sig úr án þess að vera ofsóttur og lagður í einelti þangað til viðkomandi bugast og samræmist stýringu skrílsins. Ellegar ósjálfrátt eða meðvitað velur einstaklingurinn að hafna heimskuhamingjunni er getur kostað það að eiga erfiða lífsbaráttu fyrir höndum ef viðkomandi fyrirfer sér ekki. Frávik eru meinvarp á samhæfðum veruleika skólans.

            Það er óbærilegt að samkvæmt skólaskyldu skuli einleikarar vera neyddir til að umgangast og samlagast skrílnum. Einstaklingar eru til er verða aldrei mótaðir sem meðfærileg og hlýðin vinnudýr. Nú virðast jafnvel framhaldskólarnir ganga út á að mæta á vissum tímum. Fylgja manngerðum tímamælingum og mannasetningum, ímynduðu klukkunni á meðal skýjanna. Annars fæst varla stúdentsprófið.

            Það á ekki að safna maneskjum saman og þröngva þeim til að aðlagast hópmennsku hjarðarinnar. Eitt sinn gaf ég út bók með tilinum Stýrður skríll.

            Ég vitna því óbeint í Dag Sigurðarson að það er forgangsverkefni að afnema skólaskyldu til að verja menntun (manneskjunar) alþýðunnar.

 

Bloggið er byrjað

Bloggið er byrjað 

Eftir töluvert hik er ég loksins byrjaður að blogga á Mogga. Þessi tilraun er gerð af tillitssemi við sumt fólk er ég rekst á, með ætluninni að hlífa þeim við predikunum og pirringsstuði vegna íslenskra einmiðla.

 

Bloggið hefur hingað til aðallega verið vettvangur hinnar sívaxandi íslensku plebbamenningar, þar sem fávísi og fordómar njóta forgangs. Margir íslenskir bloggplebbar eru lýsandi dæmi um að það mætti takmarka kosningarétt með einhverjum hætti.

 

Ætlunin er að á þessum vettvangi muni rödd hins þögla Þorra almennings heyrast í mótvægi við hið tilbúna og ímyndaða almenningsálit, nýjustu markaðs og skoðanakannana.  Hér gæti endurrómast sú margradda rödd almennings eins og hún ætti að hljóma án íhlutunar og stöðugrar skoðanastýringar fyrirtækjaræðisins. Þar að segja eins og undirritaður ímyndar sér almenningsálitið.

 

Einnig munu birtast á þessum vettvangi, Þorri fólks, Þorri þjóðarinnar og jafnvel sjálfur Þorri fjöldans.