Félagsráðynjan og félagshyggju forræðisstefnan

Í Kastljósþætti í fyrra eða árið þar áður, var óhugnanlegt að vera vitni að málflutningi núverandi félagsmálaráðynju og fyrrum framsóknarkonu, Ástu Ragnheiðar Jóhannesdóttur. Þetta gerðist þegar hún kom upp um sig í rökræðum við Jón Magnússon vegna frumvarps sem hann ætlaði að leggja fram um heimild til að slaka á reykingabanninu með því að leyfa veitingastöðum að hafa afmarkað reykingarými innandyra. Það átti að sjálfsögðu ekki að skylda þá til þess, en bæði vertar og viðskiptavinir ættu að hafa valið, því að reykingar, frekar en aðrir lestir eða nautnir, verða ekki upprættar með tilskipunum að ofan.          Ásta viðurkenndi í ofstæki sínu að næsta skref afskiptastefnu bannsins yrði að banna reykingar í einkarými á heimilum fólks. Hennar helstu mótrök gegn reykingarýmum var að það væri hugsanlegt að konur sem þyrftu að þrífa þar eftirá, væru óafvitandi barnshafandi. Með því að koma nálægt ösku og stubbaleifum gæti þær skaðað fóstrið. Þetta hljómar nú vægast sagt langsótt.          Það var fátt um svör þegar andmælandinn benti réttilega á að í mörgum atvinnugreinum væru höndlað með óholl efni og mikið ryk. Þarf ekki annað en að minnast á nokkrar iðngreinar t.d. í byggingariðnaðinum. Til að komast hjá hræsni þyrfti þess vegna að banna alla þá starfsemi, ef takmarkinu um áhættulaust og fullkomið öryggissamfélag á jörð, á að nást.          Þótt það sé komið úr tísku að ræða um stórfelld mannréttindabrot af völdum reykingabannsins, þarf varla að taka fram að bannið snýst fyrst og fremst um stýringu frekar en svokallaða lýðheilsu. Bara nafnið Lýðheilsustöð hljómar alræðislega og valdssinnað. En stýringarsinnuð valdstjórnin vissi vel að fyrst er tuðað og kvartað, síðan sætta sauðirnir sig við eftir að búið er að venja þá og temja.          En ástæðan fyrir að ég rifja upp þennan hugsunarhátt felagsmálaráðynjunnar er nýjasta útspil hennar sem ekki hefur farið hátt. Nýjasta yfirlýsing Ástu varðandi hugmyndir um persónukjör þar sem hinum fávísu kjósendum yrði treyst til að númera sjálfir framboðslista, ofbauð mörgum.           Hún segir ,,að verði lög um persónukjör samþykkt ætti áður að huga að því að setja inn í þau ákvæði um að jafnræði kynjanna á þingi verði tryggt. Það er ástæða til að hafa áhyggjur nema slíkt ákvæði verði sett inn í lögin. Það þarf að setja slíkan varnagla eins og oft er gert í prófkjörum.” (Mbl. 20/2/09) Eins og annað á að leysa þetta með lögum svo fólk kjósi ekki vitlaust. Því er auðvitað ekki treystandi.          Samkvæmt þessari yfirlýsinug Ástu er ekki hægt að treysta á fulltrýarlýðræðið til að tryggja jafnan hlut kvenna og þess vegna verður að stýra valfrelsi kjósanda með því að setja lög um kynjakvóta eða jafnan hlut kynjanna á alþingi. Þetta er eitt af  hámörkum ósvífnarinnar undanfarið þegar stjórnmálamenn tala niður til og spotta lýðinn í landinu.          Álit Eiríks Tómassonar er að núgildandi stjórnarskrár setji hömlur fyrir svona fyrirfram ofanstýringu og að henni óbreyttri sé ekki heimilt að setja inn ákvæði í kosningalögin um jafna stöðu kynjanna, ef það verður heimilt að bjóða fram óraðaða lista í vor. Til þess þurfi sérstaka heimild í stjórnarskrá því samkvæmt stjórnarskránni geti allir jafnt konur sem karlar boðið sig fram og síðan hafi kjósendur frjálst val til að velja á milli framboðslista og einstakra frambjóðenda án takmarkann, sama á við aðrar hömlur af svipuðum toga við alþingiskosningar. (Mbl 24/2/09)          Ásta er dæmigerð fyrir þau sem eru illa haldin af stjórnlyndissýki yfirráðarsinna er fara offari í afskiptasemi af einkalífi einstaklinganna m.a. með því að setja lög og reglugerðir um alla skapaða sem sjálfskapaða hluti, er spanna flest svið mannlífsins. Svona fólk á ekkert erindi í stjórnmál, þar sem það veldur miklum skaða með öfugsnúningi sínum á hugtakinu frelsi. Þessir hættulegu stýringarsinnar telja sig þó eiga brýnt erindi í stjórnmál sem aumingjagóðir mannvinir er vernda minnimáttar fólkið. Fólkið sem þau sýna á sama tíma mannfyrirlitningu með því að treysta því ekki fyrir sjálfum sér. Allir flokkar virðast hafa svona fólk innanborðs og því er vafasamt að greiða þeim atkvæði sitt.  Ekki kjósa!!!