Loksins brosir StóriðjuÖssur

Undanfarið hefur StóriðjuÖssur verið niðurdreginn á ljósmyndum enda löngu gjörsigraður og niðurbrotinn. Hann hangir líklega þarna ennþá vegna fjölskyldutengsla og valdavana eða fíkn. StóriðjuÖssur þjösnast þó áfram með álversfrumvarp fyrir Helguvík því hann er skuldbundinn til að þjóna áfram alþjóðlegum auðhringavinunum, vinnuveitendum sínum. Þótt flestir sjái að álverið í Helguvík verður líklega ekki byggt, nema sem nýr hálfkláraður minnisvarði um skammsynina, drambið og heimskuna í anda tónlistarhússins. Allavega verður þetta álver aldrei starfrækt samanber ástandið á álmörkuðum undanfarið. Það er einnig spurning hvort ríkið eigi fé til að borga fimm til sjö miljarða með starseminni svo örfáir fái vinnu. Atvinnu blekkingar rökin virðast vera í rénum. StóriðjuÖssurinn getur verið dapur, því hann má loks vita að spilltir froðusnakkar eru á útleið. Hvernig er það, getur stórvinurinn hans, Þráinn framsóknarfrekja ekki reddað honum framboðsæti hjá appelsínugula liðinu?
En viti menn, á forsíðu Fréttablaðsins brosir StóriðjuÖssur við hliðina á Óbama. Íslenskur sleikjuskapur hans og botnlaust snobb leynir sér ekki. Síðan er textinn undir kjaftæði um hvað Ísland hafi mikið fram að færa í þeirri blekkingu sem er kölluð endurnýjanlegir orkugjafar. Bullið endar með því hvað Íslendingar séu leiðandi í Nato. Hrægammarnir líti nú meira til norðurslóða fyrir rányrkju framtíðarinnar. Það er bara ennþá allt á fullu í landkynningunni. Spaugilega sorglegt að þeir virðast halda að áróðurinn virki ennþá.
Bullið minnir þó á fyrir hvern heimsóknin á að vera. Aðalvin og bandamann StóriðjuÖssurar sem segist sjálfur hafa hitaveituvætt Ísland, jafnvel fundið upp þessa ægilega umhverfisvænu orkugjafa er hann hefur agiterað fyrir víða um heim í kynnisferðum sínum til að selja sjálfan sig og hugmyndina um þrælabúða Ísland framtíðarinnar. Þetta fyrirbrigði er auðvitað Viðskiptafulltrúi Íslands á Bessastöðum sem hughreysti þjóð og þing hrunhaustið mikla. Það verður að hressa upp á ímyndina með því að baða sig í ljósi Óbama þótt dökkur sé á húð og hár. Ég hlakka svo til heimsóknarinnar að ég get vart beðið.

Ráðherra í víking